لأنه إحنا إلي بنحب و بنحمي إلي بضربنا من ورا
واحنا الي بنخلي من حالنا مسخرة
و أحنا الي بنقول لصوات الحق لما تحكي اسكتوا و ارجعوا لورا
كأنه التعبير عن الرأي مش مسموح إلا لناس بتحب الخطابات و اللعي و ناس مجمهرة
يلا مهو أحنا الي بنحمي الي بضربنا من ورا
القيل و القال أشتغل بينا
هاد يحكي كلمة و هاد يرد عليه و واحد بحكي اشاعة و التاني يصدقه
يلا ما أحنا اتعودنا الكل بتخوت علينا
لو فكر في باله شوية كان عرف ليش أجينا اليوم نمشي على رجلينا
بس للأسف لحست مخنا الصبية و لحس مخنا الصبي و صارت اعقولنا مأجرة
يلا مهو احنا الي بنحمي الي بضربنا من ورا
مبروك علينا حرية مكتومة
بطلنا نطلع بالنهار ما شاء الله خايفين من الحسد
صرنا نطلع بالليل متل البومة
و الله هلا و النعم و على راسنا يا حكومة
أوضاع متل العمى و عيشة متل ……
عادي مهو احنا الي بنحمي إلي بضربنا من ورا
ليست هناك تعليقات:
إرسال تعليق