فوز المنتخب على سنغافورة , و تأهله لنهائيات كأس آسيا , شي كتير حلو و إنجاز بتسجل للمنتخب من بعد إنقطاع , رجع المنتخب و فرحنا , و بلشت الآراء المتنوعة و الحكي يكتر و يكتر , واحد بيقولك ” لو فلان كان في اللعبة كان المنتخب أفضل ” و غيروا بيقولك ” مش لعب أبداً و مستواهم مش مقنع ” , لأ و الأدهى من هاد و هاد الي بيجي يحكي إلي ” يعني عشان أنت حامل كرة و متصور معها بتصير تفهم بالكرة ” طبعاً متل هاد الحكي ما بجاوب عليه لأنه ” إلي على راسوا بطحة بحسس عليها ” ….. ألخ من الآراء و الحكي إلي ما أله طعمه و إلي ما أله داعي من أصله , بس شو السبب ؟؟ مش عارف !!! و لا ما بنرحم و لا بنخلي رحمة ربنا تنزل ” الله و أعلم ” , يعني المنتخب أتأهل و الحمد لله , و إنجاز حلو للكرة الآردنية , خلينا بالله شوي نفكر و نعيد حساباتنا , و نسأل حالنا سؤال بسيط , لو المنتخب ما أتأهل … شو راح تكون ردة فعلنا ؟؟ إذا فاز و هيك , أرحموا من في الأرض يرحمكم من في السماء , المنتخب هو المنتخب … مين ما كان إلي بيلعب في صفوفه , مبروك للأردن .
ليست هناك تعليقات:
إرسال تعليق