توجيهي .. الرعب الخيالي

كتير بنتابع أحداث بتصير يومياً , و كل مرة بصير إختلافات في الاحداث , مرات بالمضمون و مرات بسرد الحدث , و الأغلب في الأشياء ألي ما بتتصدق , كتير بنسمع عن طلابنا و الرعب إلي بواجهم من فيلم شبح التوجيهي , بس هالمرة صار في تغيير , بدل ما يكون فيلم ” شبح التوجيهي ” رعب , صار عليه إضافة عظيمة من وزارة التربية و التعليم , و صار فيلم الرعب الخيالي ” شبح التوجيهي ” , و من كتر الخيال الواسع في الفيلم , صرت لما تسأل طالب توجيهي شو صار معك ؟ يجاوبك و بكل فخر ناجح إلكترونيا , بس للأسف راسب ورقياً, طبعاً حكي بحط العقل بالكف , انه كيف يعني مش فاهم !!!! , بس هاد الي إجاك , و الأدهى من هاد الحكي , تسمع عن طالب معدله التراكمي 17 % و ناجح , بس غيروا جايب 80% و راسب , لا و أزيدكم من الشعر بيت , طالب في مادة الثقافة العامة جايب معدل 40 من 50 و مسجل أنه مكمل , يعني شي غريب مو متل العادي , الناس انحرقت أعصابها , و ما حد عارف الصح من الغلط , بس يخلف عليها الوزارة أعترفت بالغلط , و متل ما بنقول : الإعتراف بالذنب فضيلة , يعني إلي تعبت نفسيتوا و إلي تحطمت معنوياته و إلي كان ناجح و بالحقيقة هو راسب ما يزعل , بس عندي إقتراح بسيط على النتائج للسنوات الجاي , ينكتب على الشهادات و على المواقع الإلكترونية ” ما عدا السهو و الخطأ ” ما بتعرف شو ممكن يصير